Պորտուգալիայի հավաքականի հարձակվող Կրիշտիանու Ռոնալդուն հրաժարվել է մարզվել 2022 թվականի աշխարհի առաջնության 1/8 եզրափակիչի՝ Շվեյցարիայի հետ հանդիպման ժամանակ պահեստայինների նստարանին մնացած ֆուտբոլիստների հետ, և թիմի հիմնական կազմի հետ վերականգնողական աշխատանք է ընտրել, հաղորդում է Daily Mail-ը։
Պորտուգալացի հարձակվողը չի ընդգրկվել Շվեյցարիայի դեմ աշխարհի առաջնության 1/8 եզրափակիչի խաղում (6:1) մեկնարկային ցուցակում և ժամանակի մեծ մասն անցկացրել է պահեստայինների նստարանին՝ խաղադաշտ դուրս գալով միայն 74-րդ րոպեին: Նա կարողացավ խփել գնդակը, սակայն այդ գոլը չեղարկվեց «խաղից դուրս» դիրքի պատճառով։ Ռոնալդուն ավելի արդյունավետ գործողություններով աչքի չընկավ։
Չնայած դրան, հարձակվողը պնդել է, որ միանա պորտուգալական թիմի հիմնական կազմին և վերականգնողական մարզում անցկացնի նրանց հետ մարզադահլիճում: «Մենք պետք է շարունակենք մարզվել», – ասել է նա:
Հաջորդ հանդիպումը Պորտուգալիան կանցկացնի Մարոկկոյի հավաքականի հետ, որը 1/8 եզրափակիչում 11 մետրանոցներով ուժեղ գտնվեց Իսպանիայից: Խաղը կկայանա դեկտեմբերի 10-ին։
