Մանչեսթեր Յունայթեդի «նախկին պաշտպան Ռիո Ֆերդինանդը վրդովվել է Սաուդյան Արաբիայի «Ալ Նասր» ակումբի հետ պայմանագիր կնքելու Կրիշտիանու Ռոնալդուի որոշման քննադատությունից:
«Հիանալի էր տեսնել, թե ինչպես են Դևիդ Բեքհեմը, Ֆրենկ Լեմպարդը, Ուեյն Ռունին, Սթիվեն Ջերարդը մեկնում Ամերիկա։ Ինչ հիանալի միջոց է կարիերան ավարտելու, մեծ գումարներ ստանալու համար՝ անցնելով անմրցունակ լիգա, նրանք նույնպես վաստակել են այդ իրավունքը: Ահա սա ես տեսել եմ լրատվամիջոցներում։ Բայց քանի որ սա Սաուդյան Արաբիան է, դա ամոթ է, դա տխուր է. թող մարդը գնա այնտեղ ու ապրի, հաճույք ստանա։ Այս նոր արկածը, որը նա կզգա իր ընտանիքի հետ, կսովորեցնի նրան նոր մշակույթը:
Յուրաքանչյուր երկիր ունի իր խնդիրները։ Ամերիկան ավելի քիչ խնդիրներ ունի, քան Սաուդյան Արաբիան, այնպես չէ: Բոլորին պետք է նույն կերպ վերաբերվել։ Յուրաքանչյուր խաղացողի, ով գնում էր ոչ ամենաուժեղ լիգա, ասում էին, որ նա վաստակել է այդ իրավունքը։ Սակայն մոլորակի վրա ոչ մի մարդ այդ իրավունքն ավելի շատ չի վաստակել, քան Ռոնալդուն», — Ֆերդինանդի խոսքը մեջբերում է Daily Mail-ը։
Հաղորդվում էր, որ Ռոնալդուն նոր ակումբում 200 միլիոն եվրո կվաստակի մրցաշրջանի համար։ 90 մլն եվրոն վերաբերում է պորտուգալացու երաշխավորված աշխատավարձին, մնացած գումարն իրենից ներկայացնում է գովազդից ստացված եկամուտները։
