Հայաստանը ներկայացնող շախմատիստները նոր հաջողություններ են գրանցել Եվրոպայի 2023 թվականի անհատական առաջնությանը։ Այս մասին հայտնում են Հայաստանի շախմատի ֆեդերացիայից։
Հայաստանը ներկայացնող շախմատիստներ Մամիկոն Ղարիբյանը և Վահե Դանիելյանը Եվրոպայի 2023 թվականի անհատական առաջնության շրջանակներում միջազգային գրոսմայստերի նորմա են գրանցել։ Մամիկոնը նորման լրացրեց երրորդ անգամ, իսկ Վահեն՝ երկրորդ:
Ֆեդերացիայից նաև հայտնում են, որ հայ շախմատիստ Ռոբերտ Փիլիպոսյանը Եվրոպայի 2023 թվականի անհատական առաջնության շրջանակներում միջազգային վարպետի նորմա է լրացրել։
