Հայաստանի հավաքականի նախկին գլխավոր մարզիչ Վարդան Մինասյանը կարծում է, որ «Կրասնոդարի» 22-ամյա կիսապաշտպան Էդուարդ Սպերցյանը հասունացել է Եվրոպայի առաջնություն տեղափոխվելու համար, հայտնում է Sport24.ru-ն։
«Սպերցյանն արդեն բավականաչափ հասունացել է լավ առաջնությունում խաղալու համար։ Կարծում եմ՝ նա կարող է խաղալ Իսպանիայում, այս մրցաշարը համապատասխանում է նրա ոճին։ Այժմ կան երկու շատ ուժեղ լիգաներ՝ անգլիական և իտալական, նրանք այս պահին թոփ-5 առաջնություններում առաջ են մնացածներից։ Էդուարդը պետք է սկսի խաղալ, իսկ Իսպանիայում նա ավելի շատ հնարավորություններ կունենա դրա համար»,- մեջբերում է Մինասյանը։
Նախկին մարզիչը օրինակ բերեց իտալական «Ինտերի» կիսապաշտպան Հենրիխ Մխիթարյանին, ով, ըստ նրա, վերելք էր ապրում՝ «Շախտյոր», «Բորուսիա Դորտմունդ»: «Մենք պետք է գնանք նույն ճանապարհով, որպեսզի չմոլորվենք»,- հավելեց Մինասյանը։
Փետրվարի 4-ին Սպերցյանը հայտարարել էր, որ ցանկություն ունի խաղալ Եվրոպայում, սակայն «առայժմ մնում է Կրասնոդարյան ակումբում»։ «Առաջարկների և ինչ-որ տեղ իմ անցման մասին ես, ինչպես բոլորը, կարդում եմ մամուլից։ Ես անձամբ ոչինչ չգիտեմ, ինձ ոչ ոք չի զանգահարել։ Ես այստեղ եմ՝ Կրասնոդարում։ Իմ ապագայի հետ կապված՝ ես ոչ մեկի հետ չեմ խորհրդակցել և չեմ խորհրդակցում, բայց Եվրոպայում խաղալու ցանկություն կա, կրկնում եմ, դեռ այստեղ եմ»,- ասել է Սպերցյանը։
2022 թվականի դեկտեմբերին Սպերցյանը թիմի երկրպագուների կարծիքով ճանաչվել է Կրասնոդարի լավագույն խաղացողը մրցաշրջանի աշնանային հատվածում։ Ֆուտբոլիստի օգտին քվեարկել է հարցվածների 22,42%-ը։
