Հայ ըմբիշ 65 կգ քաշային Անդրանիկ Ավետիսյանը 10։4 հաշվով հաղթել է ադրբեջանցի Ռամիկ Հեյբատովին ու դուրս եկել ազատ ոճի ըմբշամարտի Եվրոպայի երիտասարդական առաջնության կիսաեզրափակիչ։ Ավելի վաղ Ավետիսյանը 10։0 հաշվով հաղթել էր իսրայելցի մրցակից Ռոնան Կոլեսնիկին։
Հունահռոմեական ոճի ըմբշամարտի Եվրոպայի երիտասարդական առաջնությունում հայ ըմբիշները նվաճել են երեք մեդալ։ Յուրիկ Հովեյանը (63 կգ) դարձավ Եվրոպայի չեմպիոն՝ հաղթելով Մոլդովայի ներկայացուցիչ Վիտալի Էրեմենկոյին։ 87 կգ քաշային Վիգեն Նազարյանը նվաճեց արծաթե մեդալ՝ զիջելով վրացի ըմբիշ Աչիկո Բոլկվաձեին։ 55 կգ քաշային Հոմերոս Առաքելյանը հաղթեց Թուրքիայի ներկայացուցիչ Մուհամմեդ Չաքիրին և դարձավ Եվրոպայի առաջնության բրոնզե մեդալակիր։
Ազատ ոճի, հունահռոմեական ոճի և կանանց մինչև 20 տարեկան ըմբիշների Եվրոպայի 2023 թվականի առաջնությունը տեղի կունենա հունիսի 26-ից հուլիսի 2-ը իսպանական Սանտյագո դե Կոմպոստելա քաղաքում։
