Մադրիդի «Ռեալը» մտադիր է հաջորդ ամռանը գլխավոր մարզչի պաշտոնում վերադարձնել Ժոզե Մոուրինյոյին և նրան դիտարկում է որպես Կառլո Անչելոտիի հիմնական փոխարինող, հայտնում է championat.com-ը՝ հղում անելով Mundo Deportivo-ին։
Նշվում է, որ Անչելոտին մրցաշրջանի ավարտին կարող է հեռանալ Մադրիդից, որպեսզի զբաղեցնի Բրազիլիայի հավաքականի մարզչի պաշտոնը: Իսպանական թիմն այժմ նրան փոխարինող է փնտրում։ Ըստ աղբյուրի՝ Մոուրինյոն բոլոր թեկնածուների շրջանում ամենանախընտրելին է։
2010 թվականի մայիսի 28-ին Մոուրինյոն դարձել էր «Ռեալ Մադրիդի» գլխավոր մարզիչ՝ կնքելով 4 տարվա պայմանագիր։ Հեռանալով Մադրիդից 2013 թվականի հունիսին` նա վերադարձել էր Անգլիա՝ երկրորդ անգամ գլխավորելու «Չելսին»։ 2015 թվականի դեկտեմբերի 17-ին Ժոզեին հեռացրել էին մարզչի պաշտոնից՝ ակումբի վատ մրցելույթների պատճառով։ «Չելսիից» հեռանալուց մի քանի ամիս հետո Մոուրինյոն 2016 թվականի մայիսի 27-ին պայմանագիր էր կնքել «Մանչեթեր Յունայթեդի» հետ։
