Սպորտային մարմնամարզության տղամարդկանց Հայաստանի հավաքականի գլխավոր մարզիչ, միջազգային կարգի մրցավար Հակոբ Սերոբյանին Փարիզ-2024 ամառային Օլիմպիական խաղերի մրցավար են նշանակել, հայտնում է Հայաստանի մարմնամարզության ֆեդերացիան։
Սերոբյանը 4-րդ անգամ որպես մրցավար կմասնակցի Օլիմպիական խաղերին։
Հոկտեմբերի 1-ին հայտնել էինք, որ Հայաստանի մարմնամարզության հավաքականի անդամ, Օլիմպիական խաղերի բրոնզե մեդալակիր, աշխարհի և Եվրոպայի չեմպիոն Արթուր Դավթյանը Փարիզի 33-րդ ամառային Օլիմպիական խաղերի ուղեգիր է նվաճել։
