«Ալ Նասրի» հարձակվող Կրիշտիանու Ռոնալդուն Սաուդյան Արաբիայի առաջնության 17-րդ տուրի՝ «Ալ Իթթիհադիի» հետ խաղում դուբլի հեղինակ է դարձել, հայտնում է championat.com-ը։
«Ալ Նասրը» հաղթել է 5:2 հաշվով։ Պորտուգալացի ֆուտբոլիստը պրոֆեսիոնալ կարիերայի ընթացքում դուբլի քանակով հավասարվել է «Ինտեր Մայամիի» հարձակվող Լիոնել Մեսիին։ Նրանք երկուսն էլ 157 դուբլի հեղինակ են դարձել: Բացի այդ, Կրիշտիանու Ռոնալդուն հայտնվել է 2023 թվականի լավագույն ռմբարկուների ցուցակի առաջին հորիզոնականում․ նա տարվա ընթացքում 53 գոլ է խփել։
Ռոնալդուն «Ալ Նասր»-ում հանդես է գալիս 2023 թվականի հունվարից: Նրա պայմանագիրն ակումբի հետ նախատեսված է մինչև 2025 թվականը: Ընթացիկ մրցաշրջանում Ռոնալդուն ակումբի կազմում անցկացրել է 24 հանդիպում։
