Եվրոպայի 2024 թվականի առաջնության խմբային փուլում Վրաստանի հավաքականը 2։0 հաշվով հաղթել է Պորտուգալիայի ընտրանուն և իր պատմության մեջ առաջին անգամ դուրս է եկել մրցաշարի փլեյ-օֆֆ, հայտնում է Сhampionat.com-ը։
Վրացիների կազմում գոլերի հեղինակ են դարձել Խվիչա Կվարացխելիան և Ժորժ Միկաուտաձեն:
Պորտուգալիայի նկատմամբ տարած հաղթանակից հետո Վրաստանի ազգային հավաքականը F խմբում 4 միավորով զբաղեցրել է երրորդ տեղը: Վրացիներն անցել են Եվրո-2024-ի 1/8 եզրափակիչ՝ որպես ամենաշատ միավորներ վաստակած և 3-րդ տեղը գրաված հավաքական:
Վրաստանի հավաքականի մրցակիցը փլեյ-օֆֆում կլինի Իսպանիայի հավաքականը, որը խմբային փուլից դուրս էր եկել 100 տոկոս արդյունքով՝ 3 խաղ, 3 հաղթանակ, 9 միավոր։ 1/8 եզրափակիչ հանդիպումները կմեկնարկեն հունիսի 29-ից։
Եվրոպայի 2024 թվականի առաջնությունն անցկացվում է Գերմանիայում՝ հունիսի 14-ից հուլիսի 14-ը:
