«Վրացական երազանքի» նախագահ Բիձինա Իվանիշվիլին 30 միլիոն լարի (10,5 միլիոն ԱՄՆ դոլար) կփոխանցի Վրաստանի ազգային հավաքականին, եթե Վրաստանի ընտրանին «Եվրո 2024»-ի 1/8 եզրափակչում Իսպանիայի նկատմամբ հաղթանակ տոնի և հաջորդ փուլ դուրս գա, տեղեկացրել է «Պիրվելի առխի»-ն։
«Վրացական երազանքի» պատվավոր նախագահը շնորհակալություն է հայտնել հավաքականի յուրաքանչյուր խաղացողի, մարզչական շտաբին և վրացի երկրպագուներին այս պատմական հաղթանակին հասնելու համար։
Վրաստանի հավաքականը Եվրոպայի առաջնության խմբային փուլի վերջին խաղում հունիսի 26-ին 2։0 հաշվով հաղթել էր Պորտուգալիային ու դուրս եկել «Եվրո-2024»-ի 1/8 եզրափակիչ։
Եվրոպայի 2024 թվականի առաջնությունն անցկացվում է Գերմանիայում՝ հունիսի 14-ից հուլիսի 14-ը:
