Հորդանանում ընթացող հունահռոմեական ոճի ըմբշամարտի մինչև 17 տարեկանների աշխարհի առաջնության կիսաեզրափակչում Յուրիկ Մխիթարյանը և Նարեկ Գրիգորյանը պարտություն են կրել և օգոստոսի 20-ին կպայքարեն բրոնզե մեդալի համար, հայտնում է Հայաստանի ըմբշամարտի ֆեդերացիան։
Մխիթարյանը (55 կգ) պարտվել է Ղազախստանի ներկայացուցիչ Ալփամիս Բոլաթուլիին, իսկ Գրիգորյանը՝ (65 կգ) իրանցի մարզիկ Ամիր Սայիդի Նովային։
Քառորդ եզրափակչում Մխիթարյանը 4։3 հաշվով առավելության էր հասել Ղրղզստանի ներկայացուցիչ Էմիր Էմիրովի նկատմամբ, իսկ Գրիգորյանը 9:3 հաշվով հաղթել էր վրացի Էրեկլի Տավբերիձեին։
Առաջնությունն ընթանում է օգոստոսի 19-25-ը՝ Հորդանանի մայրաքաղաք Ամմանում։ Հայաստանը ներկայացնում է 10 ըմբիշ։
