«Ալ Նասրի» պորտուգալացի հարձակվող Կրիշտիանու Ռոնալդուն պատասխանել է այն հարցին, թե երբ է նախատեսում ավարտել ֆուտբոլային կարիերան, գրում է Championat.com-ը։
Նրա խոսքով՝ դա կարող է տեղի ունենալ երկու-երեք տարի հետո, սակայն հստակ ժամկետ ֆուտբոլիստը չի նշել։
«Չգիտեմ, թե երբ թոշակի կանցնեմ՝ երկո՞ւ, թե՞ երեք տարի հետո։ Բայց, հավանաբար, թոշակի կգնամ այստեղ՝ «Ալ Նասր»-ում: Ես շատ երջանիկ եմ այս ակումբում, ինձ լավ եմ զգում այս երկրում։ Ես երջանիկ եմ Սաուդյան Արաբիայում խաղալու համար»,- ասել է Ռոնալդուն։
39-ամյա հարձակվողն «Ալ Նասր» էր տեղափոխվել 2023 թվականի հունվարին՝ «Մանչեսթեր Յունայթեդի» հետ պայմանագիրը խզելուց հետո: Նախորդ մրցաշրջանում Ռոնալդուն Սաուդյան ակումբի կազմում անցկացրել է 44 հանդիպում, խփել է 44 գնդակ և կատարել 13 գոլային փոխանցում:
