Պորտուգալիայի հավաքականի և Սաուդյան Արաբիայի «Ալ Նասր»-ի ֆուտբոլիստ Կրիշտիանու Ռոնալդուն հետևորդների քանակով աշխարհի ռեկորդակիր է դարձել, X-ում գրել է ֆուտբոլիստը։
Նա դարձել է պատմության մեջ առաջին մարդը, որը մեկ միլիարդ հետևորդ է հավաքել աշխարհի խոշորագույն սոցիալական ցանցերում: Ֆուտբոլիստը էջեր ունի Instagram-ում, Facebook-ում, X-ում, նաև YouTube-ում։
«Միլիարդ բաժանորդ, սա ավելին է, քան պարզապես թիվը։ Սա վկայում է մեր փոխադարձ սիրո, ձգտման և խաղի հանդեպ ունեցած կրքի մասին։ Լավագույնը դեռ առջևում է, և մենք շարունակելու ենք պայքարել, հաղթել և միասին պատմություն կերտել»,- ասել է Ռոնալդուն։
Օգոստոսի 29-ին Ռոնալդուն Չեմպիոնների լիգայի բոլոր ժամանակների լավագույն ռմբարկու էր ճանաչվել։
