Բրիտանական միապետությունը ցնցված է: Արքայազն Հարրին և նրա կինը ՝ Մեգան Մարքլը, որոշեցին հրաժարվել իրենց թագավորական պարտականությունների կատարումից: Այս որոշման գլխավոր պատճառներից մեկը նրա կնոջ ՝ Սասեքսի Մեգան դքսուհի ցանկությունն է, որը «համաձայն չէր արքայական կերպարների հետ:
Նշենք, որ ավելի վաղ Մեծ Բրիտանիայի արքայազն Հարրին և նրա կինը` Մեգան Մարքլը, Կանադայում անցկացրած 6–շաբաթյա հանգստից հետո սենսացիոն հայտարարություն էին արել։ Սասեքսի դուքսն ու դքսուհին ասել էին, որ մտադիր են ֆինանսապես անկախանալ, իրենց ժամանակի մի մասն անցկացնել Մեծ Բրիտանիայում, մյուսը մասը` Հյուսիսային Ամերիկայում
Ինչպե՞ս կանդրադառնա արքայազն Հարիի և նրա կնոջ որոշումը ՝ Վինձորի և բրիտանական միապետության ապագայի վրա: Ընդհանուր առմամբ, հասարակության կողմից կա ենթադրություն, որ շուտով Մեծ Բրիտանիայի Թագավորական պալատը ընկնելու է հաջորդական ճգնաժամերի մեջ: Վինձորի դինաստիայի ներսում ևս կան մի շարք հակասություններ:
Հիշեցնենք, որ Թագուհի Եղիսաբեթ II-ը Սանդրիհեմյան պալատում հավաքել է թագավորական ընտանիքի բարձրաստիճան պաշտոնյաներին՝ քննարկելու արքայազն Հարրիի և Մեգան Մարքլի՝ թագավորական ընտանիքի անդամի արտոնություններից հրաժարվելու և ֆինանսապես անկախանալու ցանկությունը։
Եղիսաբեթ II-ն աջակցություն է հայտնել նրանց:
