ԱՄՆ-ի Կոնգրեսի Ներկայացուցիչների պալատի խոսնակ Նենսի Փելոսին, որը մարտի 3-ին մեկնել է Մալայզիայից, վայրէջք է կատարել Թայվանի վարչական մայրաքաղաք Թայբեյում:
Այդ պատճառով թայվանական «Սունշան» օդանավակայանը, որտեղ ենթադրաբար կժամանի Փելոսին, հանել է զենիթային թնդանոթներից քողարկված պատյանները։ Այս մասին հայտնում է ТАСС-ը։
Խոսքը 35 մմ տրամաչափով «երկիր – օդ» դասի երկփուլ հրետանային կայանքների մասին է: Դրանք օգտագործվում են անօդաչու սարքերի կամ ռազմամթերքի դեմ պայքարելու համար: Զենքերը տեղադրված են թռիչքուղու մոտ։ Պատրաստվածության վիճակում են նաև ռադիոլոկացիոն համակարգերը։
Ավելի վաղ Թայվանի կենտրոնական լրատվական գործակալությունը հայտնել էր, որ Թայվանի զինված ուժերը մարտունակության մակարդակը բարձրացրել են ԱՄՆ-ի Կոնգրեսի Ներկայացուցիչների պալատի խոսնակ Նենսի Փելոսիի՝ Թայբեյ կատարելիք այցից առաջ:
ԱՄՆ-ի Կոնգրեսի ստորին պալատի խոսնակի այցը Թայվան կարող է վերջին 25 տարվա ընթացքում առաջին նման կարգի ամերիկյան քաղաքական գործչի այցը դառնալ:
