Թրևիս Սքոթը Լոս Անջելեսի օդանավակայանում հայտնվել է պապարացիների օբյեկտիվներում։ Ռեփերի լուսանկարները հայտնվել են Daily Mail-ում։
Թրևիս Սքոթն առաջին անգամ հայտնվել է հանրության մեջ այն բանից հետո, երբ լրատվամիջոցներում լուրեր են տարածվել, որ նա բաժանվել է իր սիրեկանից՝ մոդել և ռեալիթի աստղ Քայլի Ջեներից։ 31-ամյա ռեփերին նկատել են մասնավոր ինքնաթիռով Լոս Անջելես ժամանելիս։ Նա կրում էր սև բաճկոն՝ մորթյա երեսպատմամբ, մուգ մոխրագույն սվիտեր և սև տաբատ։
Դեկտեմբերի վերջին տաբլոիդները սկսեցին գրել այն մասին, որ Քայլի Ջեներն ու Թրևիս Սքոթը բաժանվել են։ Խոսակցությունների պատճառն այն էր, որ սիրահարներն ամանորյա արձակուրդներն առանձին են անցկացրել։ Օրերս աստղերի մերձավոր շրջապատից աղբյուրը հաստատել է բամբասանքները։
«Քայլին և Թրևիսը կրկին բաժանվել են։ Նրանք պետք է արձակուրդներն անցկացնեին միասին, բայց նա մեկնել է Ասպեն՝ ընտանիքի և ընկերների հետ լինելու համար», — հայտնել է ինսայդերը։
