Երգչուհի Ավրիլ Լավինը և ռեփեր Tyga-ն մասնակցել են Mugler X Hunter Schafer երեկույթին, որն անցկացվել է Փարիզի Նորաձևության շաբաթվա շրջանակներում։ Զույգի լուսանկարները հրապարակել է Daily Mail-ը։
38-ամյա երգչուհին հաստատել է Քայլի Ջենների նախկին ընկերոջ՝ ռեփեր Tyga-ի հետ սիրավեպի մասին լուրերը։ Սիրահարները չեն թաքցրել իրենց հարաբերությունները Mugler X Hunter Schafer երեկույթի ժամանակ. Ավրիլ Լավինը և Tyga-ն միասին կեցվածք են ընդունել լուսանկարիչների համար և համբուրվել տեսախցիկի առաջ:
Փետրվարին Ավրիլ Լավինը բաժանվել է ռեփեր Mod Sun-ից՝ նշանադրությունից տասը ամիս անց։ Նրանց սիրավեպի մասին հայտնի էր դարձել 2021 թվականի փետրվարին։ Ավրիլ Լավինի համար այս ամուսնությունը կարող էր լինել երրորդը։
Նա ամուսնացած է եղել Sum 41-ի վոկալիստ Դերիք Ուիբլիի հետ 2006-2009 թվականներին, հարաբերություններ է ունեցել որդու՝ Քեյթլին Ջեներ Բրոդիի հետ 2010 թվականի սկզբին, իսկ 2013-2015 թվականներին ամուսնացած է եղել Nickelback-ի մենակատար Չադ Քրոգերի հետ։
«Քարդաշյանների ընտանիքը» ռեալիթի շոուի աստղ Քայլի Ջենները ռեփեր Tyga-ի հետ հանդիպել է 2014-ից մինչև 2017 թվականը։
