Իսրայելական ռազմաօդային ուժերը հարվածել են սիրիական բանակի դիրքերին։ Սիրիական հակաօդային պաշտպանության միջոցները հետ են մղել Համա կենտրոնական նահանգի ռազմական դիրքերի վրա իսրայելական ՌՕՈւ-ի հարձակումը։ Այս մասին հայտնում է TASS-ը՝ հղում անելով Al Ekhbariya հեռուստաընկերությունը։
Վիրավորվել են երեք սիրիացի զինծառայողներ, արձանագրվել է նաև նյութական վնաս։
SANA գործակալությունը, հղում անելով աիրիական ռազմական աղբյուրներին, հայտնել է, որ հակառակորդը հարձակվել է նաև Տարտուսի մերձակայքում գտնվող մի քանի դիրքերի վրա:
«Իսրայելական ագրեսիվ ակցիան իրականացվել է հարևան Լիբանանի օդային տարածքից։ Մեր զենիթայինները կրակ են բացել թշնամու թիրախների ուղղությամբ և խոցել մի քանի հրթիռ»,-նշել են ռազմական աղբյուրները։
