Այս գիշեր Սալվադորում տեղի ֆուտբոլային առաջնության խաղերից մեկի ժամանակ ողբերգություն է տեղի ունեցել, հաղորդում է championat.com-ը։
Սալվադորի մայրաքաղաք Սան Սալվադորի «Կուսկալտան» մարզադաշտում երկրպագուների շրջանում հրմշտոց է տեղի ունեցել, ինչի հետևանքով հարյուրավոր մարդիկ գտնվում են հիվանդանոցներում: Երկրի առողջապահության նախարարությունը հայտնել է, որ 90 մարդ բուժօգնություն է ստանում։
Հղում անելով երկրի ղեկավարության պաշտոնական հաղորդագրություններին՝ Ria.ru-ն հայտնում է, որ միջադեպի հետևանքով կա 12 զոհ։
