71-ամյա ռուանդացի Կալիտսե Նզամվիտան 55 տարի ապրում է մեկուսացման մեջ և տնից դուրս չի գալիս կանանց հանդեպ վախի պատճառով։ Այս մասին հայտնում է TSB News նիգերիական հրատարակությունը։
Նզամվիտան գիտակցել է իր վախը 16 տարեկանում։ Այդ ժամանակվանից նա մեկուսացված է ապրում՝ կանանց չտեսնելու համար։ Նա նաև 4,5 մետր բարձրությամբ պարիսպ է կառուցել իր կալվածքի շուրջ։ Եթե փողոցում ինչ-որ կերպ նկատում է կնոջ, վազում է տուն և ներսից փակվում։
Հատկանշական է, որ նրան ամենանշանակալի օգնությունն են ցուցաբերում հենց կանայք։ Նրանք սնունդ և հագուստ են տեղափոխում Նզամվիտայի տան մոտ: Ավելի ուշ, երբ կանայք հեռանում են, Նզամվիտան ամեն ինչ տանում է տուն։
TSB News-ը ենթադրում է, որ ռուանդացի տղամարդը տառապում է գինոֆոբիայով, շատ հազվադեպ հիվանդություն, որը նկարագրվում է որպես «կանանց նկատմամբ պաթոլոգիական և իռացիոնալ վախ»։
