Բելգորոդի շրջանում կործանվել է ուկրաինացի ռազմագերիներ տեղափոխող Իլ-76 ինքնաթիռը, հայտնում է «ՏԱՍՍ»-ը՝ հղում անելով ՌԴ պաշտպանության նախարարությանը։
Գերատեսչությունից հայտնում են, որ Իլ-76 ռազմատրանսպորտային ինքնաթիռը կործանվել է Բելգորոդի շրջանում՝ պլանային թռիչք կատարելիս, օդանավում եղել են Ուկրաինայի զինված ուժերի 65 գերեվարված զինվորականներ, անձնակազմի 6 անդամներ և 3 ուղեկցող անձինք։
ՌԴ ՊՆ-ն մանրամասնել է, որ ինքնաթիռի վթարը տեղի է ունեցել Մոսկվայի ժամանակով մոտ 11:00-ին, գերատեսչությունն աշխատանքներ է տանում աղետի պատճառները պարզելու համար։
