Մեծ Բրիտանիայի նախկին վարչապետ Ուինսթոն Չերչիլի դիմանկարի էսքիզը, որի հեղինակը բրիտանացի նկարիչ Գրեհեմ Սաթերլենդն է, կվաճառվի Sotheby’s աճուրդում, հայտնում է BBC-ն։
Աճուրդի տան կայքում տեղադրված տեղեկատվության համաձայն՝ լոտը գնահատվում է 500-800 հազար ֆունտ ստերլինգ: Աճուրդը կկայանա հունիսի 6-ին։
Սաթերլենդն էսքիզը նկարել է 1954 թվականին։ Մեծ Բրիտանիայի խորհրդարանը հանձնարարել էր նկարել պատերազմի ժամանակաշրջանի վարչապետի դիմանկարը՝ նրա 80-ամյակի առթիվ:
Նկարիչը չի փոփոխել ինսուլտ տարած քաղաքական գործչի արտաքինը։ Արդյունքում՝ Չերչիլին աշխատանքը դուր չի եկել, և նրա հանձնարարությամբ այրվել է նկարի վերջնական տարբերակը։
Ուինսթոն Չերչիլն ինքն էլ սիրողական նկարիչ էր։ 2021 թվականի գարնաննԱնջելինա Ջոլին վաճառել էր վարչապետի «Կուտուբիա մզկիթի աշտարակը» (1943 թ.) կտավը՝ 11,5 միլիոն դոլարով։
