Գազայի հարավային և կենտրոնական հատվածներում Իսրայելի հարվածների հետևանքով առնվազն 11 պաղեստինցի է զոհվել, հայտնել է Al Jazeera հեռուստաալիքը։
Լրատվականի փոխանցմամբ՝ իսրայելցի զինվորները պայթեցրել են Պաղեստինյան անկլավի հարավում գտնվող Խան Յունիս քաղաքի բնակելի շենքերից մեկը։ Արդյունքում՝ առնվազն երկու մարդ զոհվել է, ևս մեկը վիրավորվել։
Ինը զոհ և մի քանի վիրավոր են գրանցվել նաև Գազայում, որտեղ իսրայելական բանակը հարվածել է քաղաքի կենտրոնում գտնվող Ալ-Դարաջ շրջանում գտնվող բնակելի շենքին։
Նոյեմբերի 7-ին իսրայելական զինվորականները հայտնաբերել էին 125 հրթիռների արձակում Լիբանանից դեպի Իսրայել՝ շիական «Հեզբոլլահ» կազմակերպության զինյալների կողմից, հայտնել է բանակի մամուլի ծառայությունը։
