Բլինքենն ու Ֆիդանը քննարկել են Երևանի և Բաքվի միջև հարաբերությունների կարգավորման գործընթացը

ԱՄՆ պետքարտուղար Էնթոնի Բլինքենը և Թուրքիայի արտգործնախարար Հաքան Ֆիդանը քննարկել են «Ադրբեջանի և Հայաստանի միջև խաղաղության գործընթացում առաջընթացը», հայտնում են թուրքական լրատվամիջոցները՝ վկայակոչելով երկրի ԱԳՆ-ին։

Հեռախոսազրույցի ընթացքում կողմերը քննարկել են նաև Գազայում և Լիբանանում տիրող իրավիճակը։

Պետքարտուղարության տարածած հաղորդագրության համաձայն՝ կողմերը «քննարկել են Հարավային Կովկասում արժանապատիվ և կայուն խաղաղության հասնելու կարևորությունը»։ ԱՄՆ պետքարտուղարը և Թուրքիայի ԱԳ նախարարն անդրադարձել են նաև Լիբանանի և Իսրայելի քաղաքացիների՝ իրենց տներ վերադարձի հարցին։

Հոկտեմբերի 25-ին Բլինքենն ու Ֆիդանը հեռախոսազրույցի ընթացքում քննարկել էին իրավիճակը Հարավային Կովկասում։