Աղբահանություն, տրանսպորտ, էկոլոգիա․քաղաքացիները նշել են Երևանի հիմնական խնդիրները

Երևանի քաղաքացիների գրեթե կեսը անհանգստացած է քաղաքի աղտոտվածությունից (33,4%) և բնապահպանական խնդիրներից (17,9%), այս մասին են վկայում MPG/Gallup-ի հեռախոսային հարցման տվյալները։ Միջազգային կազմակերպությունը հեռախոսային հարցումը կատարել է հուլիսի 27-ից օգոստոսի 5-ը, հարցմանը մասնակցել է Երևանի 809 բնակիչ։

Որպես խնդիր, առաջին տեղում աղբահանության հարցն է, որն առանձնացրել է հարցվածների 33,4% – ը (2022 թվականին ՝ 25,1%) ։ Երկրորդ տեղում ՝ հասարակական տրանսպորտի խնդիրը, առանձնացրել է ՝ 29 % -ը (2022 թվականին ՝ 37,1%)։ Երրորդ տեղում էկոլոգիայի խնդիրն է, առանձնացրել է 17,9% – ը (2022 թվականին ՝ 10,9%)։ Չորրորդում՝ գնաճի խնդիրը, առանձնացրել է 13% – ը (2022 թվականին ՝ 13,3%) ։ Հինգերորդ տեղում ՝ ճանապարհներին տիրող իրավիճակը, խցանումները, առանձնացրել է քաղաքացիների 10,5% – ը (2022 թվականին ՝ 3,9%)։