ԱԺ «Իմ քայլը» խմբակցության պատգամավորներ Գայանե Աբրահամյանը և Լուսինե Բադալյանը վայր են դրել պատգամավորական մանդատները։
«Սիրելի հայրենակիցներ, այս օրերին փորձել եմ հնարավոր բոլոր ջանքերը ներդնել իրավիճակը փոքր-ինչ մեղմելու եւ վատթարագույնը կանխելու համար, սակայն այս պահից ՀՀ Ազգային Ժողովի պատգամավորի կարգավիճակում անելիքս համարում եմ սպառված-Facebook-յան իր էջում գրել է Գայանե Աբրահամյանը։
«Ներողություն եմ խնդրում բազմաթիվ սխալների համար»,-հավելել է նա։
Վերջին մղձավանջային օրերի ընթացքում հուսով էի , որ կարող ենք մի բան փոխել, ստեղծված իրավիճակում քաղել առավելագույնը` ի շահ Հայաստանի Հանրապետության` սառը դատողությամբ և միասնական ուժով, և դրա համար պատրաստ էի ամեն ինչ ներդնել, որովհետև
երկիրը կանգնած է մեծ վտանգի առաջ… որովհետև ներքին կայունությունն ամենակարևորն է։ Այդ մասին Facebook-ի իր էջում գրել է «Իմ քայլը» խմբակցության պատգամավոր Լուսինե Բադալյանը։
«Հիմա, դիմում եմ ԱԺ նախագահ` պարոն Արարատ Միրզոյանին.
Ես դեռևս այն չարաբաստիկ գիշերը գրել էի իմ դիմումը, հիշու’մ եք, բայց երբ Ձեր նկատմամբ տեղի ունեցավ բռնություն, ես այն հետ վերցրի, որովհետև Ձեզ այդ վիճակում միայնակ թողնելն առնվազն անարդարացի կլիներ։ ՀՀ վարչապետի վերջին գրառումից հետո, ես ստիպված եմ կայացնել որոշում և հուսով եմ` Դուք ինձ կհասկանաք` որպես Ձեր ուսանողական ընկեր, որպես ձեզ հետ երբեմն` նույնիսկ դժվար ճանապարհ անցած մարդ։ Եթե Իմ Քայլը հենց այս պահին անհապաղ գործուն քայլեր չի ձեռնարկում, ես վայր եմ դնում իմ մանդատը։ Շնորհակալ եմ ըմբռնման համար»։
«Առավոտյան կներկայացնեմ ԱԺ «Իմ քայլը» խմբակցությունից դուրս գալու դիմում։ Մեր քաղաքական թիմը սխալը սխալի հետևից է անում։ Փոխանակ մեր սխալները գիտակցենք և շտկենք, իրավիճակը մեղմենք երկխոսությունով, փորձենք այդպես կայունացնել լարվածությունը մեր երկրում, հակառակը՝ պետության հիմքերը խարխլող քայլեր ենք անում։ Մնացածի մասին կխոսեմ ԱԺ ամբիոնից», – գրել է Թովմասյանը Facebook-ի իր էջում։
Նշենք, որ պատգամավորները հրաժարականի այս շարքը սկսվեց վարչապետ Փաշինյանի վերջին գրառումից, որով նա կոչ էր անում դիրքերից վերադարձող զինվորներին «վերջնականապես լուծել պատերի տակ վնգստացողների հարցերը»։