Արարատ Միրզոյանը Ռոջեր Ուիքերի հետ քննարկել է Ադրբեջանի հետ խաղաղության պայմանագրի ստորագրմանը վերաբերող հարցեր

ՀՀ արտգործնախարար Արարատ Միրզոյանն ԱՄՆ սենատոր Ռոջեր Ուիքերի գլխավորած պատվիրակության հետ հանդիպմանը քննարկել է Ադրբեջանի հետ խաղաղության պայմանագրի ստորագրման և տարածաշրջանային կապուղիների ապաշրջափակմանը վերաբերող հարցեր, հայտնում է ՀՀ ԱԳՆ մամուլի ծառայությունը։

Միրզոյանը ներկայացրել է Հարավային Կովկասում կայունության ու երկարատև խաղաղության հաստատման ՀՀ տեսլականը, նաև ընդգծել Ադրբեջանի հետ 1991թ. Ալմա-Աթայի հռչակագրի հիման վրա սահմանազատման գործընթացի շարունակականության ապահովման և բանակցված խաղաղության պայմանագրի ստորագրման կարևորությունը:

Կողմերը նաև անդրադարձ են կատարել ՀՀ-ԱՄՆ քաղաքական երկխոսության օրակարգին։