Հայաստանը ներկայացնող չորս բռնցքամարտիկ դուրս է եկել Չեռնոգորիայի Բուդվա քաղաքում ընթացող բռնցքամարտի Մ18 տարեկանների աշխարհի առաջնության քառորդ եզրափակիչ, տեղեկանում ենք առաջնության կայքից։
Էրիկ Առստամյանը (57 կգ) տեխնիկական նոկատումով հաղթել է թուրք Չաղրի Ֆիդանին։ Նրա հաջորդ մրցակիցը հոկտեմբերի 30-ին կլինի ադրբեջանցի Թաղի Նասիբովը։
Անդրանիկ Մարտիրոսյանը (60 կգ) հաղթել է Էստոնիայի ներկայացուցիչ Ֆեդոր Կամանին, Արշակ Բաբլումյանը (71 կգ)՝ լիտվացի բռնցքամարտիկ Վլադիմիր Աբրամովասին, Արմեն Պողոսյանը (80 կգ)՝ Չեռնոգորիայի ներկայացուցիչ Ֆիլիպ Կլեպոյին։
92 կգ քաշային կարգում Դավիթ Սիմոնյանը պարտվել է ուզբեկ մարզիկ Հալիմժոն Մամասոլիևին։
Մրցաշարը մեկնարկել է հոկտեմբերի 20-ին և կանցկացվի մինչև նոյեմբերի 6-ը։
