Զանգվածային խափանումներ՝ Facebook-ի և Instagram-ի աշխատանքներում

Downdetector.com կայքի տվյալներով այսօր Facebook-ը և Instagram-ը չեն աշխատում հազարավոր օգտատերերի մոտ, հայտնել է Reuters գործակալությունը։

Նշվում է, որ գրանցվել է ավելի քան 105 000 դեպք, երբ մարդիկ հայտնել են Facebook-ի հետ կապված խնդիրների մասին, ավելի քան 70 000 ահազանգ էլ վերաբերել է Instagram-ի հետ կապված խափանումներին։

WhatsApp-ը՝ Meta-ի հաղորդագրությունների հավելվածը, նույնպես չի աշխատում ավելի քան 12 000 օգտատերերի մոտ:

Ընկերությունից առայժմ չեն մեկնաբանել խափանումների մասին լուրերը։