«Էրեբունի» ավիաբազայի օդաչուները և Հարավային ռազմական օկրուգի (ՀՌՕ) ստորաբաժանումների անձնակազմերը ՊՆ զինվորական անձնակազմի հետ միասին կատարել են օդային տարածքի պաշտպանության ուսումնական առաջադրանք: Այս մասին հայտնել է ՀՌՕ մամուլի ծառայությունը:
Ուսումնական պարապմունքների ընթացքում մշակվել են օդային տարածքը խախտողներին մոդելավորող պայմանական օդային թիրախներ հայտնաբերելու և որսալու գործողություններ։
ՀՕՊ ստորաբաժանումների զինծառայողները մարտական հերթապահության ժամանակ մշակել են գործողություններ օդային տարածքը պաշտպանելու համար։ Հերթափոխի ուսումնամարզական թռիչքներ են իրականացվել 50-ից 6 հազար մետր բարձրությունների վրա՝ տարբեր արագություններով։
Զորավարժությունների ընթացքում հատուկ ուշադրություն է դարձվել Հարավային ռազմական օկրուգի կազմավորման տարածքում տեղակայված օդային գծերի և ստորաբաժանումների լուսաբանմանը։ Զինվորականներն առաջադրանքները կատարել են եղանակային բարդ պայմաններում՝ առատ տեղումներ, բուռն քամիներ, ինչպես նաև բարձրադիր գոտիներում ջերմաստիճանի տատանումներ։