Հայաստանը ներկայացնող Լեո Մկրտչյանը 8-րդ հորիզոնականն է զբաղեցրել «Մանկական Եվրատեսիլ 2024» երգի միջազգային մրցույթում։ Նա ստացել է 125 միավոր։ Ժյուրիի քվեարկության արդյունքներով Լեոյին ամենաբարձր գնահատականը տվել են Ֆրանսիան և Վրաստանը։ Հայաստանը 12 միավոր է տվել Վրաստանին։
Մրցույթի հաղթող է դարձել Վրաստանի ներկայացուցիչը։
Հայաստանի պատվիրակ Լեո Մկրտչյանը հանդես էր եկել 4 համարի ներքո և կատարել «Cosmic Friend» երգը: Հայաստանի այս տարվա պատվիրակն ընտրվել էր նախապես հայտարարած մրցույթի արդյունքում, որին 100-ից ավելի հայտ էր ստացվել:
Մրցույթին մասնակցում են 17 երկիր՝ Հայաստանը, Ալբանիան, Էստոնիան, Ֆրանսիան, Կիպրոսը, Վրաստանը, Գերմանիան, Իռլանդիան, Իտալիան, Մալթան, Նիդերլանդները, Հյուսիսային Մակեդոնիան, Լեհաստանը, Պորտուգալիան, Իսպանիան, Միացյալ Թագավորությունը և Ուկրաինան:
2023թ․ նոյեմբերի 26-ին Ֆրանսիայի Նիցցա քաղաքում տեղի ունեցած «Մանկական Եվրատեսիլ 2023» երգի մրցույթում Հայաստանը ներկայացնող Yan Girls խումբն իր Do It My Way երգով գրավել էր 3-րդ տեղը։
