Մայիսին Հայաստանի Հանրապետություն է այցելել 116 000 մարդ։ Այս մասին «Գիտության գործարարության օրեր-2022»-ի շրջանակներում պատասխանելով Armenia Today-ի հարցին՝ ասաց ՀՀ էկոնոմիկայի նախարար Վահան Քերոբյանը։
նրա խոսքով՝ այս թիվը փոքր-ինչ զիջում է 2019 թվականի տվյալներին, սակայն զբոսաշրջությունը լավ տեմպերով վերականգնվում է։
«Ինչ վերաբերվում է Հայաստանում մշտապես բնակություն հաստատած անձանց, որոնց թիվը մի քանի տասնյակ հազար է, նրանք էական փոփոխություններ են մտցրել մեր կյանքի տարբեր ոլորտներում, այդ թվում՝ անշարժ գույքի շուկայում, սպառման, ծառայությունների ոլորտներում»,- ասաց Քերոբյանը։
Նշենք, որ երեկ ԿԲ նախագահ Մարտին Գալստյանը հայտարարել էր, որ ՀՀ կենտրոնական բանկը եռապատկել է 2022 թվականի տնտեսական աճի կանխատեսումը։ Նա այդ աճը պայմանավորում է նաև Հայաստան ժամանած այցելուներով: