Summit-ի նպատակն է ամփոփել Orion-ի այս երկու տարվա գործունեությունը, աջակցել հայկական էկոհամակարգին և պանելային քննարկումների ժամանակ բացահայտել այն խնդիրները, որոնք առաջացել են էկոհամակարգում, լրագրողների հետ զրույցում նշել է Orion Worldwide Innovations Armenia-ի համահիմնադիր և տնօրեն Դիանա Արզումանյանը:
Նրա խոսքով՝ պանելային քննարկումների ժամանակ կներկայացնեն unicorn-ները, այնուհետև տեղի կունենան «Ձեռքբերումներ և միաձուլումներ» թեմայով քննարկումները՝ ներդրումներ ներգրավելու նպատակով:
«Պանելային քննարկումների ժամանակ կանդրադառնանք Employee Stock Ownership-ներին՝ աշխատակիցների կողմից ընկերության բաժետոմսերի միջոցով սեփականություն ունենալու տարբերակներին, այնուհետև կներկայացնենք Հայաստանում ամենաարագ աճող հինգ ստարտափները, որոնք շատ արագ են աճում և հավակնում են ապագայում դառնալ unicorn-եր՝ միաեղջյուրներ: Պանելները կամփոփենք Թվային Ջուղա ծրագրով»,- ասաց Դիանա Արզումանյանը՝ հավելելով, որ Digital Julfa Network-ը համահայկական մտավոր, տեխնոլոգիական, առևտրային ու մշակութային ուժը համախմբող նախաձեռնություն է:
Հարցին, թե այս տարի որքա՞ն ներդրում է լինելու, Դիանա Արզումանյանը պատասխանեց, որ արդեն իսկ սկսել են գումարների ներգրավումը:
«Անցյալ տարի քսանյոթ միլիոոն դոլար էր, այս տարի հույս ունենք, որ մինչև տարեվերջ թիվը կկրկնապատկենք, աշխատում ենք հասցնել հիսուն միլիոն դոլարի»:
Անդրադառնալով հետագա պլաններին՝ Orion Worldwide Innovations Armenia-ի համահիմնադիրն ասաց, որ իրենց տեսլականն է , որ մոտակա հինգ տարում ունենան տասը միաեղջյուրներ, որոնք կմեծացնեն երկրի հարստությունը և տնտեսությունը:
«Այդ հինգ ընկերությունները, որոնք այսօր նարկայանալու են, դրանք միաեղջյուր չեն, պարզապես նրանց զարգացման ու աճի տեմպերն այնքան արագ են, որ ներկայացնում ենք իբրև հավակնորդ: Անցյալ տարի գիտեք որ Օրիոնի շնորհիվ ունեցել ենք երեք միաեղջյուրներ, իսկ մեկ ամսից կներկայացնենք չորորդին, որը գաղտնիք է»,- ասաց Դիանա Արզումանյանը:
