Ֆրանսիայի ԱԳՆ-ն ցավակցություն է հայտնել «Սուրմալու» առևտրի կենտրոնում տեղի ունեցած պայթյունի կապակցությամբ:
«Ֆրանսիան իր համերաշխությունն է հայտնում Հայաստանին օգոստոսի 14 – ին Երևանի «Սուրմալու» շուկայում տեղի ունեցած պայթյունից հետո հայտարարված ազգային սգո առաջին օրը», – ասված է գերատեսչության կայքում հրապարակված հայտարարության մեջ:
Նախարարությունը ցավակցություն է հայտնել զոհվածների ընտանիքներին և շուտափույթ ապաքինում մաղթել տուժածներին, ինչպես նաև ողջունել է փրկարարների անձնվիրությունը, որոնք շարունակում են անհետ կորածների որոնումները:
Ավելի վաղ Armenia Today-ը գրել էր, որ Երևան քաղաքի Արշակունյաց պողոտա 15 հասցեում գտնվող «Սուրմալու» առևտրի կենտրոնում, 2022 թվականի օգոստոսի 14-ին՝ ժամը 13:30-ի սահմաններում, տեղի ունեցած պայթունի հետևանքով, այս պահի դրությամբ, գրանցվել են 16 մարդու մահվան և ավելի քան 50 քաղաքացիների՝ մարմնական տարբեր վնասվածքներ ստանալու դեպքեր: Անհետ կորած է համարվում 1 քաղաքացի։