NewsPress.am կայքի հիմնադիր տնօրեն Արիաննա Հովսեփյանին պատկանող Range Rover Sport մակնիշի ավտոմեքենան փորձել են հրկիզել, գրել է Shamshyan.com-ը:
ՆԳՆ հասարակայնության հետ կապի և լրատվության Armenia Today-ին պարզաբանել են, որ ահազանգ են ստացել հունվարի 25-ին՝ ժամը 1։06-ին, գույքի դիտավորյալ ոչնչացման վերաբերյալ:
«Ահազանգ ենք ստացել, որ Ղազար Փարպեցի փողոցում Range Rover մակնիշի ավտոմեքենա են այրել, մեքենայի տերը հաղորդում է տվել»,- նշել են ոստիկանությունից՝ տեղեկացնելով, որ հաղորդումը կազմված փաստաթղթերով ոստիկանությունն ուղարկել է Քննչական կոմիտե։
Ոստիկանության փոխանցմամբ՝ միջադեպի հետևանքով տուժածներ չկան։
ՆԳՆ-ից չեն հստակեցրել՝ արդյոք մեքենան պատկանում է Հովսեփյանի՞ն, թե՞ ոչ։ Ոստիկանությունից նշել են, որ անձի վերաբերյալ տվյալներ փոխանցել չեն կարող։
