Սյունիքի մարզի Կապան քաղաքում 28-ամյա վարորդը «Toyota Camry»-ով ընկել է Գեղանուշ գետը, հայտնում է shamshyan.com-ը։
Ըստ կայքի տվյալների՝ պատահարը տեղի է ունեցել հուլիսի 20-ին։
«Ժամը 23։00-ի սահմաններում Սյունիքի մարզի բնակիչ, 28-ամյա Վահե Գ․-ն ավտոմեքենայով Կապան քաղաքի Երկաթուղայինների փողոցում դեռևս անհայտ հանգամանքներում դուրս է եկել ճանապարհի երթևեկելի գոտուց և ընկել Գեղանուշ գետը»,- հայտնում է կայքը։
Վահե Գ․-ն մարմնական վնասվածքներով տեղափոխվել է «Կապան» բժշկական կենտրոն։ Վթարի փաստով Քննչական վարչությունում նախաձեռնվել է քրեական վարույթ։
