Սահմանադրական դատարանը սահմանադրական ճանաչեց Ազգային ժողովի նախագահի ընտրությունը, որի իրավաչափությունը վիճարկում էին ընդդիմադիր պատգամավորները։ Տեղեկությունն Armenia Today-ի հետ հաստատեց ՍԴ մամուլի քարտուղար Եվա Թովմասյանը։ ՍԴ որոշումը կհրապարակվի եռօրյա ժամկետում։
Հիշեցնենք՝ օգոստոսի 3-ին Ազգային ժողովում «Հայաստան» և «Պատիվ ունեմ» խմբակցությունները հայտարարել էին, որ Ալեն Սիմոնյանի՝ ԱԺ նախագահ ընտրվելը հակասահմանադրական է: Ընդդիմադիրները որպես պատճառաբանություն նշում էին այն, որ իրենց առաջադրած թեկնածուները կալանավայրում են, ինչն անհավասար պայմաններ է ստեղծել:
Ընդդիմադիրները պնդում են, որ Ազգային ժողովի նախագահի իրենց թեկնածուները՝ Մխիթար Զաքարյանը և Արթուր Սարգսյանը հնարավորություն չեն ունեցել մասնակցել խորհրդարանի նիստին կալանավորված լինելու պատճառով և նրանք հնարավորություն չեն ունեցել նեկայացնել իրենց ծրագիրը՝ այդպիսով խախտվել է նրանց սահմանադրական իրավունքը։
Հիշեցնենք նաև, որ 2021-ի սեպտեմբերին ԱԺ ընդդիմադիր խմբակցությունները դիմել էին Բարձր դատարան՝ վիճարկելով Ազգային ժողովի նախագահի ընտրության սահմանադրականության հարցը:
