Skip to main content
Աջակցություն 22 Փետրվար 2020
Armenia Today
Առաջինը գլխավորի մասին
Լրահոս
Հարցում

Հուբեյում կորոնավիրուսի զոհերի թիվը հասել է 1310-ի

Վարակվածների թիվը կազմում է ավելի քան 48 հազար մարդ

img

Չինաստանի կենտրոնական Հուբեյ նահանգում նոր կորոնավիրուսի բռնկման հետևանքով վարակվածների թիվը գերազանցել է 48,2 հազարը, նրանցից մահացել է 1310-ը, ապաքինվել է 3441 բնակիչ: Այս մասին հայտնում է ՏԱՍՍ-ը՝ վկայակոչելով տարածաշրջանի հիգիենայի և առողջապահության հարցերով կոմիտեի հայտարարությունը։ 

Ըստ թարմացված տվյալների՝ մահացության պաշտոնական մակարդակը կազմել Է 2,7 տոկոս՝ մեկ օր առաջ 3,2 տոկոսի փոխարեն:

Չորեքշաբթի առավոտյան տարածաշրջանային իշխանությունները տեղեկացրել են ավելի քան 33,3 հազար հիվանդացածների, 1068 զոհերի և 2639 ապաքինվածների մասին:

Ինչպես նշվում է կոմիտեի տարածած հայտարարության մեջ, Ուհան քաղաքի Հուբեյ վարչական կենտրոնում վարակվածների թիվը, որը հիվանդության տարածման գլխավոր աղբյուր է համարվում, գերազանցել է 32,9 հազարը: Երկրորդ և երրորդ տեղերում են Սյաոգանը և Հուանգանը, որտեղ հիվանդացածների թիվը կազմել է համապատասխանաբար 2,8 հազար և 2,6 հազար:

Բացի այդ, նահանգում հաշվվում է ավելի քան 9 հազար մարդ վիրուսի կասկածանքով։ Բժիշկների հսկողության տակ են գտնվում նաև ավելի քան 77,3 հազար բնակիչներ, որոնք սերտ շփում են ունեցել վարակված մարդկանց հետ:

Թեգեր: Չինաստան, Կորոնավիրուս