Մեր ու Ռուսաստանի միջև երբեք ավելի վստահելի հարաբերություններ չեն եղել, և այսօրվա հանդիպմանն այդ մասին շատ անկեղծ է խոսվել: ԶԼՄ ներկայացուցիչների հետ հանդիպմանն ասաց վարչապետ Նիկոլ Փաշինյանն՝ անդրադառնալով իր պաշտոնավարման ժամանակ նաև ՌԴ-ի հետ հարաբերությունների տապալմանը:
Միևնույն ժամանակ, Փաշինյանը մատնանշել է դեռ իրենից առաջ առկա խնդրի մասին:
«Հայաստանի ու Ռուսաստանի միջև անվտանգության ոլորտի փոխադարձ պարտավորությունների կատարման խնդիրը գոյություն է ունեցել դեռ ինձնից առաջ, այս պատմության մեջ ոչինչ նոր չէ, ամենամեծ պատիժն այն է, որ այդ ամենը թափվել է իմ գլխին: Դրանից ավելի մեծ պատիժ ուզո՞ւմ եք: Սխալվում եք, եթե կարծում եք, դրանից ավելի մեծ պատիժ որևէ մեկին հնարավոր է տալ: Ես բանտում եղել եմ ու մինչև հիմա իմ մտերիմները գիտեն, որ բանտում իմ անցկացրած շջանը շատ պոզիտիվ երանգներով եմ հիշում: Եթե որևէ մեկին թվում է, որ դրանով ինձ պատժել է, չարաչար սխալվում է: Մարդկանց թվում է, թե սղոցով կտրտելը պատիժ է, չեմ ասի՝ պատիժ չէ: Բայց հասկանո՞ւմ եք՝ այն, ինչ տեղի է ունեցել 2020-ին, սոցիալ-հոգեբանական առումով շատ ավելի երկար իրադարձությունների կուլմինացիա էր: 2020-ի սեպտեմբերի 27-ից մինչև նոյեմբերի 7-ը կարող էին զոհեր չլինել, բայց դա չի նշանակում, որ 2021-ի հոկտեմբերի 6-ից փետրվարի 17-ը նույն զոհերը կամ կրկնակի ավելի զոհեր չէին լինի, որովհետև ամեն ինչը գին ունի և մենք այդ գինը վճարում ենք, վճարել ենք ու պետք է վճարենք: Բայց ինչի՞ համար ենք վճարել: Մենք չգիտեի՞նք, որ էս պատմության վերջը այդպես էր լինելու»:
Փաշինյանը միևնույն ժամանակ հայտարարեց նաև, որ իր համար պարզ չէ, թե որքան է զիջման սահմանը:
«Այսօր ևս խնդիրը հենց նշվածի մեջ է: Չեմ տեսել զիջման սահմանը, թե մինչև ուր պետք է զիջեմ»,-հայտարարեց նա:
Լրագրողի դիտարկմանը՝ Փաշինյանն ինքն է հայտարարել, որ մեղավոր է, և հարցին՝ ո՞րն է իր պատիժը՝ նա արձագանքեց. «Եթե պատժի արժանի ինչ-որ գործողություն եմ արել, պատիժն անխուսափելի է և որևէ պահի այն վրա կհասնի»:
Մանրամասները՝ տեսանյութում: