Ադրբեջանի ԱԳ փոխնախարար Էլնուր Մամեդովը հայտարարել, որ Երևանն ու Բաքուն խաղաղության պայմանագրի նախագծի կետերի մեծ մասը համաձայնեցրել են, հայտնում են ադրբեջանական ԶԼՄ-ները՝ հղում անելով Մամեդովին։
Վերջինս հայտարարել է, որ «Ադրբեջանը հավատարիմ է խաղաղության օրակարգին և սպասում է Հայաստանի գործողություններին՝ խաղաղության պայմանագրի ստորագրման ուղղությամբ»։
Ըստ ադրբեջանական կողմի՝ Արցախը օկուպացնելուց հետո «խաղաղ համաձայնության հասնելու գործընթացը ավելի հեշտ է դարձել, ըստ այդմ՝ ստորագրման հավանականությունը պետք է ավելի մեծ լինի»։
Այսօր 2024-ի բյուջեի քննարկման ժամանակ ՀՀ վարչապետ Նիկոլ Փաշինյանը հայտարարել էր, որ Ադրբեջանի հետ խաղաղության պայմանագրի ստորագրման երեք հիմնական սկզբունքները համաձայնեցված են։ Սկզբունքներից առաջինը, Փաշինյանի խոսքով, Հայաստանի և Ադրբեջանի՝ փոխադարձաբար միմյանց տարածքային ամբողջականությունը ճանաչելն է։ Երկրորդ սկզբունքով, ըստ Փաշինյանի, կողմերը համաձայնում են դելիմիտացիա իրականացնել Ալմաթիի հռչակագրի հիման վրա։ Հաջորդ սկզբունքը, նրա խոսքով, այն է, որ կողմերի ինքնիշխանության, իրավազորության հիման վրա բացվում են տարածաշրջանային կոմունիկացիաները։