Ադրբեջանի նախագահ Իլհամ Ալիևի կարծիքով՝ Երևանն ու Բաքուն կարող են մի քանի ամսում ավարտին հասցնել խաղաղության պայմանագրի հիմնական սկզբունքների շուրջ աշխատանքը։
Ադրբեջանի նախագահը կրկնել է Բաքվի ներկայացրած պահանջը «Հայաստանի սահմանադրության փոփոխության անհրաժեշտության» մասին և այն անվանել խաղաղության «գլխավոր պայման»։
Փետրվարի 19-ին Ադրբեջանի արտաքին գործերի նախարարությունը Հայաստանից պահանջել էր փոխել Սահմանադրությունը և բացառել «Ադրբեջանի ինքնիշխանության դեմ» դրույթները ՀՀ սահմանադրությունից և օրենսդրությունից։
Հունիսի 6-ին Ալիևը բացառել էր Երևանի հետ խաղաղության պայմանագրի կնքումն առանց Հայաստանի սահմանադրության փոփոխության։ Ըստ Ալիևի՝ «եթե Հայաստանի սահմանադրությունը չփոխվի, Հայաստանի և Ադրբեջանի միջև խաղաղության համաձայնագրի կնքումն ուղղակի անհնար կդառնա»։
Հունիսի 7-ին Հայաստանի արտգործնախարարությունը Բաքվին մեղադրել էր իր ներքին գործերին միջամտելու մեջ՝ Հայաստանի սահմանադրությունը փոխելու պահանջի պատճառով։
