Էրդողանի կուսակցությունը կորցնում է ընտրողների ձայները. հարցում

Թուրքիայում իշխող «Արդարություն և զարգացում» կուսակցությունը, որը գլխավորում է նախագահ Ռեջեփ Թայիփ Էրդողանը, կորցնում է ընտրողների ձայները։ Այս մասին են վկայում Yöneylem սոցիալական հետազոտությունների կենտրոնի կողմից անցկացված ընտրողների առաջին հարցման արդյունքները, որոնք ներկայացնում է Bianet կայքը։

Հարցմանը 3444 մարդ է մասնակցել Թուրքիայի տարբեր նահանգներում։ Հարցման համաձայն՝ հիմնական ընդդիմադիր Ժողովրդահանրապետական կուսակցությունը (ԺՀԿ) 36,9 % ձայներով զբաղեցնում է առաջին տեղը։

ԺՀԿ-ին հաջորդում է իշխող «Արդարություն և զարգացում կուսակցությունը»՝ 21,2%ով։

Չկողմնորոշված ընտրողների մասնաբաժինը կ13% է, նրանց մասնաբաժինը, ովքեր հայտարարել են, որ չեն քվեարկելու, 7,1% է:

Մյուս կուսակցությունների վարկանիշը հետևյալն է՝ Ժողովրդա-դեմոկրատական կուսակցություն՝ 9%, Ազգայնական շարժում կուսակցություն՝ 5,1 %։ Մնացած կուսակցությունների մոտ 3%-ից պակաս է։

Աղբյուրը նշում է, որ ընտրությունների ընթացքում մեծ դեր են խաղալու քրդերի ձայները։

Հիշեցնենք, որ Թուրքիայում նախագահական և խորհրդարանական ընտրությունները պետք է կայանան 2023 թվականի հունիսին։