Ադրբեջանը զորավարժություններ է անցկացրել Նախիջևանում

Ադրբեջանի զինված ուժերը Նախիջևանում հրամանատարաշտաբային զորավարժություններ են անցկացրել, հայտնում են տեղական լրատվամիջոցները՝ հղում անելով Ադրբեջանի պաշտպանության նախարարությանը։

Նշվում է, որ զորավարժությունների ընթացքում «հստակեցվել են կազմավորումների և ստորաբաժանումների խնդիրները, մշակվել են հատուկ նշանակության ուժերի, կապի, տանկային, մեքենայացված և հրետանային միավորումների հետ համաբանակային կազմավորումների փոխգործակցության հարցերը»։

Ադրբեջանի զինված ուժերի նախորդ խոշոր զորավարժությունները տեղի էին ունեցել 2024թ․ մարտին։ Նախիջևանում անցկացված երկկողմ հրամանատարաշտաբային զորավարժություններին մասնակցել էին Ադրբեջանի ԶՈւ առանձին համակցված բանակի մեքենայացված, տանկային, հրետանային, հակաօդային պաշտպանության, օդուժի և հատուկ նշանակության ստորաբաժանումները։