Նախիջևանի Շարուրի շրջանի Գյուննութ գյուղի շրջակայքում անհետացած ադրբեջանցի զինծառայող Հուսեյնով Ջեյհուն Թոֆիգօղլուին մահացած են գտել, հայտնել են ադրբեջանական ԶԼՄ-ները՝ հղում անելով Ադրբեջանի պաշտպանության նախարարությանը։
Նրա դին հայտնաբերվել է Գյուննութ գյուղի շրջակայքում։
Հունիսի 10-ին Ադրբեջանի ՊՆ-ն հայտնել էր, որ զինծառայողը կորել է հունիսի 9-ին՝ չպարզված հանգամանքներում։ Հայաստանի Հանրապետության ազգային անվտանգության ծառայության մամուլի կենտրոնից Armenia Today-ին հայտնել էին, որ ադրբեջանցի զինծառայողի կողմից սահմանը հնարավոր հատելու դեպքի վերաբերյալ ԱԱԾ-ում փաստական տվյալներ չկան։
