Իրանը հայտարարել է իսրայելական հարձակման հետևանքով երկու զինվորականի մահվան մասին

Իրանի բանակի առնվազն 2 զինվորական է զոհվել Իսրայելի հարձակման հետևանքով, հայտնում է ՏԱՍՍ-ը՝ վկայակոչելով՝ Իսլամական Հանրապետության զինված ուժերի հայտարարությունը։

«Իրանի բանակը գիշերը զոհաբերել է իր երկու զինվորականի՝ դիմակայելով Սիոնիստական ​​ռեժիմի ագրեսիային։ Նրանք պաշտպանում էին ժողովրդի անվտանգությունն ու Իրանի շահերը»,- ասվում է հայտարարությունում։ 

Հոկտեմբերի 26-ին Իսրայելի պաշտպանության ուժերն ավիահարվածներ էին հասցրել Իրանում հրթիռների արտադրության օբյեկտներին և նրա «երկիր-օդ» հրթիռների տեղամասերին։ Գործողությունն ստացել էր «Ապաշխարության օրեր» ծածկանունը։ 

Հոկտեմբերի 1-ին Իրանը զանգվածային հրթիռային հարձակում էր իրականացրել Իսրայելի վրա։ Հարվածի ժամանակ արձակվել էր շուրջ 180-200 հրթիռ։ Իսրայելի վարչապետ Բենիամին Նեթանյահուն հայտարարել էր, որ Իրանը պատասխան կստանա։ Հոկտեմբերի 6-ին Թեհրանը հայտարարել էր Իսրայելի հնարավոր գործողություններին արձագանքելու ծրագրերի նախապատրաստման մասին։