Ադրբեջանական բանակի զինծառայող Անար Յոլչ Օլու Հուսեյնովն ինքնասպանություն է գործել, հայտնում են ադրբեջանական լրատվամիջոցները։
Նշվում է, որ դեպքի կապակցությամբ հարուցվել է քրեական գործ։
Հոկտեմբերի 18-ին ադրբեջանական բանակում ինքնասպանություն էր գրանցվել։ Razm.info-ի տվյալներով՝ 2023 թվականին Ադրբեջանի ուժային կառույցների կորուստները կազմել էին առնվազն 277 մարդ, որոնցից 224-ը զոհվել են մարտական պայմաններում։ Անցած տարում Ադրբեջանի ուժային կառույցներում հայտնի ինքնասպանությունների թիվը 17 է․ մահացածներից 11-ը ՊՆ զինծառայող է, 5-ը՝ ՊՍԾ, ևս 1-ը՝ Արդարադատության նախարարության քրեակատարողական ծառայության պահակային գնդի զինծառայող։
