Պատմության մեջ առաջին անգամ Հայաստանը մեդալ է նվաճել պարադահուկավազքի միջազգային մրցաշարում

Պարադահուկավազորդ Գարիկ Մելքոնյանը Հայաստանի պարադահուկավազքի պատմության մեջ առաջին անգամ մեդալ է նվաճել, հայտնում է Հայաստանի դահուկավազքի ֆեդերացիան։ 

Մելքոնյանը Նորվեգիայում անցկացվող միջազգային վարկանիշային մրցաշարում գրավել է երրորդ հորիզոնականը։ 

Ֆեդերացիան տեղեկացնում է, որ Մելքոնյանը հունվարին կմասնակցի Թուրինում կայանալիք XXXII Համաշխարհային ուսանողական ձմեռային մարզական խաղերին, որում հաշմանդամային սպորտն առաջին անգամ է ընդգրկված լինելու։ Փետրվար-մարտ ամիսներին հայ մարզիկը կմասնակցի Նորվեգիայում կայանալիք Պարադահուկավազքի աշխարհի գավաթին և աշխարհի առաջնությանը։