Հայաստանի ֆուտբոլի ազգային հավաքականի գլխավոր մարզիչ Խոակին Կապառոսը մեկնաբանել է Գերմանիայի հավաքականից կրած խոշոր հաշվով պարտությունը: Մարզչի խոսքերով՝ Գերմանիան մեծ առավելություն ուներ։
«Մենք չկարողացանք ցուցադրել մեր կարողությունները: Մենք չխաղացինք համապատասխան ռիթմով, համապատասխան պրեսինգ չիրագործեցինք: Օրինակ՝ առաջին խաղակեսում մենք ոչ մի խախտում չարեցինք: Նման որակյալ թիմերի դեմ, որոնք այդքան արագ են, այդքան բարձր տեխնիկա ունեն, ամեն ինչ այսպես է լինում»,- ասել է Կապառոսը:
Հիշեցնենք՝ նախօրեին կրած 6։0 հաշվով պարտությունից հետո Հայաստանը 10 միավորով նահանջեց երկրորդ տեղ: Գերմանիան վաստակեց 12 միավոր և խմբային աղյուսակում դուրս եկավ առաջին հորիզոնական:
Մանրամասն՝ ՀՖՖ-ի տեսանյութում։