ԱՄՆ Նախագահ Դոնալդ Թրամփը հեռախոսազրույց է ունեցել Գերմանիայի կանցլեր Անգելա Մերկելի հետ, որի ընթացքում քննարկել են Մերձավոր Արևելքում և Լիբիայում առկա իրավիճակը։ Այս մասին հայտնում է Սպիտակ Տան մամուլի ծառայությունը։
«Երկու երկրների առաջնորդները քննարկել են Մերձավոր Արևելքում և Լիբիայում տարածաշրջանային անվտանգության հարցեր, ինչպես նաև երկկողմ հետաքրքրություն ներկայացնող մի շարք այլ հարցեր»,-նշվում է Սպիտակ Տան մամուլի քարտուղարի տեղակալ Ջուդդա Դիրի տարածած հաղորդագրության մեջ։