Թուրքիայի նախագահ Ռեջեփ Թայիփ Էրդողանn իր ամերիկացի գործընկեր Ջո Բայդենի հետ բանակցություններից հետո հայտարարել Է, որ դրական մոտեցում է տեսել Անկարային F-16 կործանիչներ մատակարարելու հարցում, հաղորդում է РИА Новости-ն։
Ինչպես հաղորդում է ТАСС-ը, Թուրքիայի նախագահը նաև վստահություն է հայտնել, որ ԱՄՆ-ը կդադարի աջակցել Սիրիայի քրդական կազմակերպություններին, ինչպես արել է մինչ այժմ:
«Ամերիկացի գործընկերների հետ մեր շփումների ընթացքում մենք ափսոսանք ենք հայտնել «Քուրդիստանի աշխատավորական կուսակցություն», «Ժողովրդական ինքնապաշտպանության ուժեր» ահաբեկչական կազմակերպությունների կողմից նրանց կողմից ցուցաբերվող աջակցության կապակցությամբ։ Մենք ասել ենք, որ դա կվնասի մեր հարաբերություններին ՆԱՏՕ-ում, դա կխաթարի մեր համերաշխությունը։ Վստահ եմ, որ հետագայում ԱՄՆ-ի կողմից նման աջակցություն այլևս չի լինի»,- ասել Է Էրդողանը։
Նա նաև հայտնել է, որ Թուրքիան և ԱՄՆ-ը պայմանավորվել են ավելի ինտենսիվ դարձնել ԱԳՆ-ի և պաշտպանության նախարարությունների միջև շփումները սիրիական թեմաների շուրջ, այդ թվում՝ Սիրիայի տարածքում այդ քրդական կազմակերպությունների գործունեության հարցերի շուրջ: